ძლიერი ქალი გადარჩენის რეჟიმში | სიძლიერე თუ აუცილებლობა

ქალის სიძლიერე ერთ-ერთი ყველაზე ღრმა და მრავალშრიანი ფსიქოლოგიური ფენომენია. გარედან ის ხშირად აღიქმება როგორც სტაბილურობა, დამოუკიდებლობა და კონტროლი, თუმცა ბევრ შემთხვევაში ეს სიძლიერე არ იბადება შინაგანი სიმშვიდიდან და თავისუფლებიდან | ის ფორმირდება გადარჩენის პირობებში.

რა ფასი აქვს ასეთ სიძლიერეს?

ხშირად ქალი არ ხდება ძლიერი იმიტომ, რომ ასე სურს. ის ძლიერდება იმიტომ, რომ სხვა გამოსავალი და გზა აღარ რჩება.

როცა გვერდით მდგომი მამაკაცი არ არის ემოციურად ხელმისაწვდომი, არ იღებს პასუხისმგებლობას, არ დგას საყრდენად, არ ქმნის უსაფრთხოებას | ქალი ნელ-ნელა იწყებს ყველაფრის საკუთარ თავზე აღებას.

თავიდან ეს ფარული დახმარებაა | შემდეგ კი გადარჩენა. ბოლოს | მთელი ცხოვრების ტვირთის და სიმძიმის ტარება.

მენტალურად, ემოციურად, ფსიქოლოგიურად და ფინანსურად.

დგება მომენტი როცა ერთ დღეს ქალი აღმოაჩენს, რომ ურთიერთობაში უკვე მარტო ცხოვრობს.

როდის ჩნდება ეს მდგომარეობა?

— როცა მამაკაცი გაურბის პასუხისმგებლობას

— როცა გადაწყვეტილებებს ყოველთვის ქალი იღებს

— როცა ოჯახი მის მხრებზე დგას

— როცა მხარდაჭერის ნაცვლად მხოლოდ დამატებითი ტვირთია

— როცა ქალი ბავშვობიდანვე „ყველაფრის გამტანია“

და ყველაზე მტკივნეული | როცა ეს ყველაფერი სიყვარულად ითვლება.

რა ხდება ამ დროს ქალში?

გარედან | ის ძლიერია. შიგნიდან | დაღლილი და დაძაბული.

ასეთ მდგომარეობაში ქალი კარგავს:

— სიმსუბუქეს

— ნდობას

— რბილობას

— შინაგან სიმშვიდეს

— და ბოლოს

— სურვილს, რომ ვინმეს დაეყრდნოს

ქალი გადადის მუდმივ კონტროლში, მუდმივ სიფხიზლეში,მუდმივ პასუხისმგებლობაში

და ნელ-ნელა ქრება ის ნაწილი, რომელსაც უბრალოდ სიყვარული სურდა | არა ბრძოლა.

ურთიერთობის უხილავი ფასი

როცა ქალი „მამაკაცის როლში“ გადადის, ურთიერთობა კარგავს ბალანსს.

ქრება:

— ვნება

— ჰარმონია

— სიმშვიდე

— მიზიდულობა

— ემოციური სიმსუბუქე

ხოლო სიყვარული ნელ-ნელა გადადის მოვალეობად.

მნიშვნელოვანია გავიგოთ:

ქალის სიძლიერე პრობლემა არ არის | პრობლემა არის სიძლიერე, რომელიც გადარჩენიდან იბადება და არა სიყვარულიდან.

ჯანმრთელ ურთიერთობაში ქალი და მამაკაცი ერთმანეთს არ ეჯიბრებიან | ისინი ერთმანეთს ავსებენ და უმსუბუქებენ ცხოვრებას.

სიყვარული არ არის ტვირთის მარტო ტარება | სიყვარული არის ადგილი, სადაც შეგიძლია მოეშვა, იგრძნო დაცულობა, სიმშვიდე და დასვენება.

ყველაზე მნიშვნელოვანი კითხვა სწორედ ეს არის:

ვცხოვრობ სიყვარულში თუ უბრალოდ ვაგრძელებ გადარჩენას?